最後更新：2026年9月8日
本政策適用於「夾啦喂」流動應用程式及 chipinlawai.com。
營運者為 LW Group Limited（啦喂集團有限公司），香港註冊公司。
| 資料 | 點嚟 | 做咩用 |
|---|---|---|
| 帳號識別碼、電郵、顯示名稱 | 你用 Apple 或 Google 登入時提供 | 認得返係你、令你換機之後仲有返啲紀錄 |
| 收款資料（電話號碼／電郵／轉數快識別碼／PayMe 連結） | 你自己輸入，選填 | 生成收款 QR、顯示畀同一個活動嘅人過數 |
| 活動內容：名稱、日期、地點、參加者、支出、金額、分帳方式、留言 | 你同其他參加者輸入 | 計數同顯示 |
| 相片（備忘相、入數截圖） | 你上載，選填 | 做紀錄。我哋唔會對佢做任何 AI 分析或文字辨識。 |
| App 內通訊錄：你加咗邊個做聯絡人、你改嘅備註名同備註、你自訂嘅分類 | 你自己喺 app 入面加 | 下次開活動一鍵開位，唔使次次掉條連結出去 |
| 登入裝置名稱、最後使用時間 | 自動 | 畀你睇同登出個別裝置 |
| 使用統計（開過邊幾版、用咗邊啲功能、裝置型號同系統版本） | 自動，經 Firebase Analytics | 知道邊啲功能真係有人用、邊度用戶會卡住 |
| 當機報告（出錯位置、裝置型號、系統版本） | 自動，經 Firebase Crashlytics | App 閃退嗰陣我哋先知，先修得到 |
我哋唔會收集你部電話本身嘅通訊錄、位置、相簿（除咗你主動揀嗰張相）、 瀏覽紀錄，亦唔會讀取你部電話或者 WhatsApp 嘅電話號碼。
你可以將聯絡人改成你認得嘅名。呢個名純粹係你自己嘅備忘，唔會畀對方見到， 亦唔會畀同一個活動嘅其他人見到。活動入面顯示嘅永遠係對方自己設定嘅名稱。
你由通訊錄開活動嘅時候，會幫你嘅聯絡人喺嗰個活動預先開好位， 佢哋會喺自己嘅活動列表見到。如果你唔想畀某個人再咁樣將你加入新活動， 可以喺通訊錄將佢封鎖——之後佢開活動就唔會再連住你個帳號。
「邊個仲未找數」對所有參加者公開，係呢個 app 刻意嘅設計——因為公開透明本身 就係最有效嘅提醒方式。如果你唔想畀人見到你嘅收款資料，可以留空唔填。
另外，活動主辦人可以選擇將活動設成「公開睇得」（預設係開）。 開咗嘅話，任何攞到嗰條分享連結嘅人（就算未登入）都可以睇到活動內容， 包括金額同參加者名單。主辦人隨時可以喺活動設定度關閉。
資料存放喺我哋位於新加坡嘅伺服器（Vultr / The Constant Company, LLC）。 即係話你嘅資料會由香港轉移到香港以外地方處理及儲存。使用本服務即表示你同意呢項轉移。
| 類型 | 保留期 |
|---|---|
| 活動、支出、找數紀錄 | 保留至你刪除活動或者帳號 |
| App 內通訊錄 | 保留至你刪走嗰個聯絡人或者刪除帳號 |
| 相片 | 活動全部數清之後 90 日自動刪除 |
| 登入 session | 最多一年，或者你登出／刪除帳號 |
| 使用統計、當機報告 | 由 Google 保留，Analytics 預設 14 個月 |
本網站唔使用任何追蹤 cookie 或分析工具。
根據香港《個人資料（私隱）條例》，你有權查閱同更正你嘅個人資料。喺 app 入面你隨時可以：
本服務並非為 13 歲以下人士而設。如發現有 13 歲以下兒童註冊，我哋會刪除其帳號。
所有傳輸都經 HTTPS 加密。登入採用 Apple／Google 簽發嘅身分憑證，我哋唔會儲存你嘅密碼。 但冇任何系統可以保證絕對安全，敬請留意。
如有重大更改，我哋會喺 app 內通知你。本頁頂部會註明最後更新日期。
對本政策有任何疑問，或者想行使你嘅資料權利，請電郵：
chipinlawai@lwgrouplimited.com
LW Group Limited（啦喂集團有限公司）· 香港